Zëvendësauditori i përgjithshëm, Bezad Halilaj, ka folur për 199 punonjësit që janë paguar 900 mijë euro pa shkuar as edhe një ditë të vetme në punë.

Halilja tha se ata janë nga ministritë që kanë të bëjnë me zyrtarët e mbrojtjes civile.

“Kjo është një prej gjetjeve që kanë të bëjnë me menaxhimin e burimeve njerëzore. Për vitin 2021, kjo është si rezultat I marrëveshjes së Brukselit në mes të Kosovës dhe Serbisë, që ka të bëjë me zyrtarë të mbrojtjes civile, janë gjithsej 199 zyrtarë, që në fakt janë paguar por nuk kanë vijuar punën, kjo është konstatuar nga Zyra Kombëtare e Auditimit, në bazë të dëshmive dhe testimeve që i ka bërë”, ka thënë Halilaj në Edicionin Special.

Sipas tij, përgjegjësit e kësaj çështjeje nuk kanë dhënë ndonjë arsye të veçantë se pse ka ndodhur një gjë e tillë.

“Përgjigja e tyre ka qenë ajo që e kanë konfirmuar edhe auditorët, që nuk kanë ndonjë arsye të veçantë dhe nuk kanë shpjegim”, ka shtuar ai.

Halilaj tha se të gjeturat kryesore të auditorit shtrihen në disa fusha, por më kryesoret kanë të bëjnë me procesin e prokurorimit publik, me menaxhimin e shpenzimeve, me të hyrat, me menaxhimin e burimeve njerëzore e të tjera.

“Nëse flasim për të gjeturat që kanë të bëjnë me prokurimin, disa prej tyre, më kryesoret, që janë gjetur në shumë institucione, mund të jetë mospërzgjedhja e duhur e operatorëve ekonomikë, mandej menaxhimi jo i mirë i kontratave dhe përzgjedhja e operatoreve ekonomikë pa kritere”.

Ndërkaq te menaxhimi i burimeve njerëzore, ai theksoi mospërdorimin e procedurave të prokurimit që janë përdorur për angazhim të njerëzve.

The post 900 mijë euro i morën pa shkuar në punë, kush janë personat që i gjeti auditori? appeared first on Kosova24.

Zafir Berisha ka komentuar pamjet që u publikuan në rrjete sociale, ku ai shihet me armë në brez, përcjell Periskopi.

Berisha ka thënë se nuk është e çuditshme që “Zafa” të shihet me armë, por me ndonjë violinë ose flaut.

“Tash me thënë të drejtën me pa Zafën me armë dhe me bë lajm, është pak çudi. Me bo me m’pa me flautë ose me violinë ndoshta duhet m’u kon lajm. Sido që të jetë, ka njerëz që emrin tim si emër, atraktiv për rrjete sociale, e përdorin. Unë nuk e shoh shumë tragjike këtë”, ka thënë ai.

Ai, me ironi tha se kohëve të fundit është demokratizuar, por tha se ende mban tri armë të legalizuara.

“Ti e di që kohëve të fundit unë jam demokratizu. Unë e vizitoj natyrën, por megjithatë unë kam leje për tri armë. Në mesin e tyre e kam lejen për armën ikonike për mu, të legalizume, d.m.th snajperkën, një armë që s’kam mundur ta mbajë fshehur. Është arma që e kam përdorur në luftë”, ka thënë ai.

The post Zafir Berisha: S’është lajm kur Zafa shihet me armë, por me ndonjë violinë ose flaut appeared first on Kosova24.

Analisti, Halil Matoshi,ka deklaruar se ish-kryeministri i Kosovës, Avdullah Hoti, ka qenë drejtuesi më i mirë nga të gjithë kryeministrat që ka pasur Kosova.

“Kryministri më i mirë u kanë i të gjitha kohërave, ai u kanë për njerëz normal, jo për njerëz të rrugëve”, tha Matoshi në Kanal 10.

The post Halil Matoshi: Avdullah Hoti ka qenë kryeministri më i mirë i të gjitha kohërave appeared first on Kosova24.